 |
azabu |
วันที่ |
29 สิงหาคม 2009 |
เวลา |
22:51:37 |
|
|
IP |
118.174.89.165 |
| |
|
|
|
เสียงสั่งจากซากศพ
|
ก่อนอื่นขอออกตั๋วก่อนว่า "เสียงสั่งจากซากศพ" เฮาเก็บได้มา บ่ฮู้ว่าไผเป๋นคนแต่งจึงขออนุญาตเหียตรงนี้เลยและขอขอบคุณผู้แต่ง ณ ที่นี้เป๋นอย่างสูง เพราะหันว่าเป๋นค่าวที่สุดยอดชิ้นหนึ่ง ลองอ่านผ่อลอ "เสียงสั่งจากซากศพ"
เสียงสั่งจากซากศพ
อนิจจา จั๊ดต๋ามนุษย์ ซึ่งท้ายที่สุด ก็ต้องมาต๋าย เมื่อธาตุสี่นั้น มันแตกสลาย จิตดับวำวาบ ร่างก๋ายบ่ดิ้น ญิติมิตรไห้กั๋น บ้านปอจะปิ้น ก็บ่ได้ยินฮับฮู้ นอนกระด้างแข็ง ปล่อยเขาลากยู้ หามเอาไส่ตู้แจ่เย็น หากบ่หยั่งนั้นมันจะเน่าเหม็น เป๋นที่ลำเค็ญกับคนอยู่ไกล้ ปู๋ปล๋าถ้าต๋ายไผหันไค่ได้ เอาไปหมักดองแป๋งฮ้า แต่คนเฮาต๋ายลากไปป่าจ้า พระเณรนำหน้าจู๋งไป วิญญาณฮับฮู้หดหู้หัวใจ๋ ถึงจะอาลัยบ่อยากจากบ้าน แต่หมดปั๋ญญาที่จะต่อต้านเมื่อยมบาลเรียกร้อง จ๋าต้องจากลาบรรดาปี่น้อง ลาตึงหอห้องเฮือนนอน ผ้าต๊วบผ้าตุ้มสะลีมุ้งหมอน ผ้าม่านสีออนลาก่อนแล้วเจ้า ลาตึงประตู๋ลาตู้เสื้อผ้า ลาตึงขวดยาขวดน้ำ จะบ่ได้หันหน้ากั๋นแถมซ้ำหมดสิทธิ์มาย้ำมาไจ ลาถ้วยลาจ้อนหม้อนึ่งและไห หลองข้าวเต๋าไฟหม้อขางปากหวิ้น ลาครกลาเขียงจั๊กไคข้าวมิ้น ลาโอ่งหม้อดินน้ำคุ๊ ลาจอทีวีลาวิทยุ บ่จุ๊หลอกเจ้าจ๋ำลา ขอบคุณปี่น้องญา-ติวงศา ลุงป้าน้าอาบ้านฮิมบ้านไกล้ ตี่เคยจ่วยเหลือเวลาเจ็บไข้ ก็มาเยี่ยมไจถามตั๊ก ขอบคุณลูกหลานตี่ได้ฟูมฟักดูแลผ่อเฝ้าเยียวยา หากได้ล่วงล้ำยังกรรมวาจ๋า มีกิริยาตี่บ่ถูกต้อง ก็ขอขมาอย่ามีขุ่นข้อง หรือคิกหวังปองตอบต้า ขอบคุณที่พาศพมาป่าจ้า ล้อมหลังล้อมหน่าตวยไป ขอบคุณปี่น้องบ้านไกล้บ้านไกล๋ ตี่วางผ้าไตรบังสกุ,หื้อ ขอบคุณทุกคนที่มาย่ำยื้อ เป็นตี๋นเป๋นมือจ่วยย๊ะ ขอบคุณชีสงฆ์องค์เณรเถรพระ ตี่มาสวดหื้อหลายคืน ขอบคุณปี่น้องตี่บ่อขัดขืน พร้อมใจ๋ลุกยืนไว้อาลัยข้า ขอบคุณผู้นำตี่หื้อเกียรติมางานนี้ ขอบคุณพิธีกรตี่จ่วยบอกจี้แนะนำอั้นอี้ตวยไป ขอหื้อปี่น้องสุขก๋ายสุขใจ๋ อย่ามีโพยภัยอันใดมาป้าน และตี่บ่ลืมขอบคุณแม่บ้าน ตี่มาจ่วยงานบ่อเว้น ขอบคุณป่อเฮือนตี่จ่วยก๋างเต้นท์ ขอบคุณหมู่เล่นปิงโก อยู่เป๋นเพื่อนก้อจนต๋าปอโบ๋ วงพ้ายไฮโลขอบคุณทั่วหน้า ป่อหน้อยป่อหนานแม่อุ้ยแม่ป้า ตี่จ่วยเตียมดาสั๊บป๊ะ ขอหื้อโจคดีมีชัยชนะ ปะความผ่องแผ้วเจยบาน สุขสำราญกั๋นอย่างทั่วหน้า บทนี้ขอลาก่อน นายเฮย
|
| |
|
เพื่อทีมงานจะได้ดำเนินการลบทันที
ขอขอบพระคุณ.."
